അവിഹിത ബന്ധം ചോദ്യംചെയ്‌ത ഭാര്യയെവെടിവച്ചു കൊന്നു

ന്യൂഡൽഹി: ഡൽഹിയിൽ അവിഹിത ബന്ധം ചോദ്യംചെയ്‌ത ഭാര്യയെ ഭർത്താവ് വെടിവച്ചു കൊന്നു. സംഗം വിഹാർ മേഖലയിൽ വ്യാഴാഴ്ച വൈകിട്ട് നാലിനാണ് സംഭവം. കവിതയാണ് (30)​ കൊല്ലപ്പെട്ടത്. ഭർത്താവ് ശുഭം രാജ്പുതിനെ അറസ്റ്റ് ചെയ്‌തു. രണ്ടുവർഷം മുൻപാണ് ഇരുവരും വിവാഹിതരായത്. ഭർത്താവിന് മറ്റൊരു സ്ത്രീയുമായി ബന്ധമുണ്ടെന്ന് ഭാര്യ സംശയിച്ചിരുന്നു. ഇതിന്റെ പേരിൽ വഴക്ക് പതിവായിരുന്നുവെന്ന് ബന്ധുക്കളും നാട്ടുകാരും പൊലീസിൽ മൊഴി നൽകി. ശുഭം ചൂതാട്ടത്തിനും പോകുമായിരുന്നു. പണത്തിനായും നിരന്തരം വഴക്കിട്ടിരുന്നു.