ക്ലിയർ റെയിൻ.. കനത്ത ചൂടിന് ആശ്വാസമായി ഇന്നലെ പെയ്ത മഴയിൽ കോഴിക്കോട് മാനാഞ്ചിറയിൽ നിന്നുള്ള ദൃശ്യം..

മഴത്തുള്ളികൾക്കിടയിൽ...ഇന്നലെ അപ്രത്യക്ഷമായി പെയ്ത മഴയിൽ കുടയുമായി പോകുന്നയാൾ തൃശൂർ നഗരത്തിൽ നിന്നുമുള്ള ചിത്രം.

വിദർശ വിനോദ് - അച്ഛൻ വിനോദ്  അമ്മ അനിത - കഴുത്തിൽ മെഡൽ  അണിയിച്ചപ്പോൾ

ജീവിതഭാരം തലയിലേറ്റി... വലിയ ചുമടുമായി തൃശൂർ നഗരവീഥിയിലൂടെ നടന്നുനീങ്ങുന്ന സ്ത്രീ.

ഇലകൾക്കിടയിൽ നെയ്തെടുത്ത വലയുടെ ഓരോ നേർത്ത ഇഴകളിലും മഞ്ഞുതുള്ളികൾ ചെറിയ മുത്തുകൾ പോലെ പറ്റിപ്പിടിച്ചിരിക്കുന്നു. ഇര കാത്ത് കിടക്കുന്ന കുഞ്ഞൻ ചിലന്തിയെയും കാണാം. ഇടുക്കി മൂലമറ്റത്ത് നിന്നുള്ള ഒരു പ്രഭാത കാഴ്ച.

ഇര തേടി പാടത്തെത്തിയ പെരുമുണ്ടി. വെള്ളരിപ്പക്ഷികളിൽ ഏറ്റവും വലിയ ഇനമാണ് പെരുമുണ്ടി. പ്രകടമായ വലിപ്പ വ്യത്യാസം കൊണ്ട് ഇവയെ തിരിച്ചറിയാം. ചെറുമീനുകൾ, തവളകൾ, ചെറുജീവികൾ തുടങ്ങിയവയാണ് പ്രധാന ആഹാരം. തൊടുപുഴ അഞ്ചിരിയിൽ നിന്നുള്ള ദൃശ്യം

കോഴിക്കോട് ബൈക്ക് അപകടത്തിൽ മരണപ്പെട്ട കാലിക്കറ്റ് ഫുട്ബോൾ ക്ലബ്ബിന്റെ പ്രതിരോധ താരം റിജോൺ ജോസിന്റെ മൃതദേഹം തൃശൂർ ആനക്കല്ലിലെ വസതിയിൽ പൊതുദർശനത്തിന് വച്ചപ്പോൾ അന്ത്യമോപചാരം അർപ്പിക്കുന്ന മന്ത്രി ഒ. ജെ. ജനീഷ്.

വിശ്വസുന്ദരിക്ക് മുന്നിലൂടെ ഒരു 'ഡോഗ് വാക്ക്'... തിരുവനന്തപുരത്ത് പബ്ലിക് ലൈബ്രറി ഹാളിൽ മുഖ്യമന്ത്രി വി.ഡി സതീശനെ സന്ദർശിച്ച ശേഷം ദേശീയ മാദ്ധ്യമങ്ങളോട് പ്രതികരണം നടത്തുന്ന മിസ് യൂണിവേഴ്സ് ഇന്ത്യ 2026 കിരീടജേതാവ് മാവേലിക്കര സ്വദേശി കെസിയ ലിസ് മെജോയ്ക്ക് മുന്നിലൂടെ നീങ്ങുന്ന തെരുവ് നായ. പബ്ലിക് ലൈബ്രറി വളപ്പിലെ തെരുവ് നായ ശല്യം ദിനംപ്രതി വർദ്ധിച്ചു വരുന്നത് സന്ദർശകരും വിദ്യാർത്ഥികളുൾപ്പടെയുള്ളവർ അധികാരികളുടെ ശ്രദ്ധയിൽപ്പെടുത്തിയിട്ടും യാത്രയൊരു നടപടിയുമില്ല

തൃശൂർ സാഹിത്യ അക്കാഡമി ഹാളിൽ കേരള കോൺഗ്രസ് സൗഹൃദ കൂട്ടായ്മയുടെ ആഭിമുഖ്യത്തിൽ എം.എൽ.എ തോമസ് ഉണ്ണിയാടാന് നൽകിയ സ്നേഹാദരവിൽ മുൻ സ്പീക്കർ തേറമ്പിൽ രാമകൃഷ്ണൻ പൊന്നാട അണിയിക്കുന്നു, എം.എൽ.എ രാജൻ ജെ.പല്ലൻ സമീപം

എ.കെ.ജി പഠന ഗവേഷണ കേന്ദ്രത്തിന്റെ ആഭിമുഖ്യത്തിൽ തിരുവനന്തപുരം എ.കെ.ജി ഹാളിൽ നടന്ന സീതാറാം യെച്ചൂരി അനുസ്മരണ പ്രഭാഷണ ചടങ്ങിൽ പങ്കെടുക്കാനെത്തിയ സി.പി.എം പോളിറ്റ് ബ്യൂറോ അംഗം ബൃന്ദ കാരാട്ടിനൊപ്പം സെല്ഫിയെടുക്കുന്നവർ. സെൽഫിയെടുക്കാൻ വിദഗ്ധൻ നമ്മുടെ പ്രധാനമന്ത്രിയാണെന്ന കമന്റ് കൂടി ബൃന്ദ പാസാക്കിയത് സദസ്സിൽ ചിരി പടർത്തി.

തിരുവനന്തപുരത്ത് മൂന്ന് ദിവസങ്ങളിലായി നടക്കുന്ന റീ ഇമാജിനിങ് കേരളം റൗണ്ട് ടേബിൾ കോൺഫറൻസിന്റെ ഉദ്‌ഘാടന ചടങ്ങിന് ശേഷം മുഖ്യമന്ത്രി വി.ഡി.സതീശൻ മന്ത്രിമാരായ ബിന്ദു കൃഷ്ണ, എൻ.ഷംസുദ്ദീൻ, റോജി എം.ജോൺ, പി.കെ.ബഷീർ, ഒ.ജെ.ജനീഷ്, പി സി വിഷ്ണുനാഥ് എന്നിവരോടൊപ്പം സൗഹൃദ സംഭാഷണത്തിലേർപ്പെട്ടപ്പോൾ

ചൂടിൽ മുങ്ങി...മഴ മാറി വെയിൽ വരവറിയിച്ചതോടെ ചൂടിൽ പാടത്ത് ജോലി ചെയ്യുന്ന തൊഴിലാളികൾ കുറ്റൂർ പാടത്തുനിന്നുള്ള ചിത്രം

അമ്മക്കുടയിൽ... കനത്ത വെയിലിൽ സ്‌കൂൾ കഴിഞ്ഞ് മടങ്ങുന്ന കുഞ്ഞിന് കുട ചൂടിക്കൊടുക്കുന്ന അമ്മ.

വീറോടെ പാറി... പാടത്ത് തീറ്റ തേടുന്നതിനിടെ വാനിൽ പറന്ന് കൊത്ത് കൂടുന്ന കൃഷ്ണപ്പരുന്തും ചെമ്പരുന്തും. കോട്ടയം പാറേച്ചാൽ ബൈപ്പാസ് റോഡിൽ നിന്നുള്ള കാഴ്ച

കോട്ടയം മണർകാട് സെൻ്റ്. മേരീസ് യാക്കോബായ കത്തീഡ്രലിൽ എട്ടുനോമ്പ് തിരുനാളിനോടനുബന്ധിച്ച് നടത്തിയ റാസയിൽ മുത്തുക്കുടകളുമായി പങ്കെടുക്കുന്ന വിശ്വാസികൾ

കാലും കുടയും പുറത്ത്... കനത്ത ചൂടിൽ ടാക്സി സ്റ്റാൻഡിൽ കാറിന്റെ ഡോർ തുറന്നിട്ട് സൂര്യന്റെ വെളിച്ചം കാരണം കുട വെച്ച് മറിച്ച് കാറിനകത്ത് ഇരിക്കുന്ന ഡ്രൈവർ. തൃശൂർ സ്വരാജ് റൗണ്ടിൽ നിന്നുള്ള ചിത്രം

ലൈറ്റേ... കുറച്ചുകത്തിയാ മതി, പവർ കട്ടുണ്ട്... ഇലക്ട്രിക് പോസ്റ്റിലെ തെരുവുവിളക്ക് മാറ്റി സ്ഥാപിക്കുന്നതിനായി ഉയരത്തിലെത്തിയ കെ.എസ്.ഇ.ബി ജീവനക്കാരന് താഴെനിന്ന് ലൈറ്റ് കൈമാറുന്ന സഹപ്രവർത്തകൻ. തൃശൂർ ആലുംവെട്ടുവഴിയിൽ നിന്നുള്ള കാഴ്ച.

അസ്തമയസൂര്യന്റെ പ്രഭയിൽ ചുവന്നുതുടുത്ത മാനത്ത് നിരയായി കൂടുതേടി പറക്കുന്ന പക്ഷിക്കൂട്ടം. ആലപ്പുഴ പള്ളാത്തുരുത്തി പാലത്തിന്റെ പശ്ചാത്തലത്തിൽ പകർത്തിയ ദൃശ്യം

പച്ചപ്പും വരണ്ട പുൽമേടുകളും നിറഞ്ഞ ഗ്രാമവഴികളിലൂടെ ആട്ടിൻപറ്റവുമായി സഞ്ചരിക്കുന്ന ഇടയന്മാർ ഇന്നും തമിഴ്നാട്ടിലെ ഗ്രാമീണ ജീവിതത്തിന്റെ ലളിതമായൊരു ചിത്രം വരച്ചിടുന്നു. രാവിലെയോടെ ആടുകളെയും കൂട്ടി പുറപ്പെടുന്ന ഇവർ പകൽ മുഴുവൻ ആടുകളെ മേയ്ക്കുന്നു. തലമുറകളായി കൈമാറിവരുന്ന ഈ ജീവിതരീതി തമിഴ്നാടിന്റെ കാർഷിക സംസ്കാരത്തിന്റെയും ഗ്രാമീണ പാരമ്പര്യത്തിന്റെയും നേർക്കാഴ്ച കൂടിയാണ്. തേനിയിൽ നിന്നുള്ള കാഴ്ച

തൊടുപുഴ അരിക്കുഴയിലെ പാടത്ത് വിത്തു വിതയ്ക്കലിനായി വയൽ ഒരുക്കുന്ന കർഷകൻ.