ജോൺ പോളിന്റെ ഭാര്യ ഐഷ എലിസബത്ത് നിര്യാതയായി

കൊച്ചി: അപകടത്തിൽ പരിക്കേറ്റ് ചികിത്സയിലായിരുന്ന, തിരക്കഥാകൃത്തും എഴുത്തുകാരനുമായ പരേതനായ ജോൺ പോളിന്റെ ഭാര്യ, മരട് കൊട്ടാരം എൻക്ലേവ് പുതുശേരി ഹൗസിൽ അയിഷ എലിസബത്ത് ജോൺ (76) നിര്യാതയായി. രണ്ട് ദിവസം മുമ്പ് പള്ളിയിൽ പോയി മടങ്ങുമ്പോൾ കടവന്ത്ര ജംഗ്ഷനിൽ റോഡ് മുറിച്ചുകടക്കവേ ബൈക്ക് ഇടിച്ച് പരിക്കേൽക്കുകയായിരുന്നു. കോട്ടയത്തുപാറ ഞാളിയത്ത് കുടുംബാംഗമാണ്. മൃതദേഹം ഇന്ന് രാവിലെ പത്ത് മുതൽ മരടിലുള്ള വസതിയിൽ പൊതുദർശനത്തിന് ശേഷം വൈകിട്ട് നാലിന് എളംകുളം സെന്റ് മേരീസ് സുനോറ പള്ളിയിൽ സംസ്‌കരിക്കും. മകൾ: ജിഷ ജോൺ. മരുമകൻ: ജെബി എൻ. എബ്രഹാം.