ഇലക്ട്രോണിക് സിഗരറ്റുകൾ പിടികൂടി

തിരുവനന്തപുരം: ഹെലിപാഡ്,പാപനാശം മേഖലകളിൽ വർക്കല എക്സൈസ് നടത്തിയ വ്യാപക പരിശോധനയിൽ വില്പനയ്ക്കായി സൂക്ഷിച്ചിരുന്ന ഇലക്ട്രോണിക് സിഗരറ്റുകൾ (ഇ സിഗരറ്റ്) പിടിച്ചെടുത്തു.ഹെലിപാഡ് പ്രവർത്തിക്കുന്ന സൈജാർ സൂപ്പർ മാർക്കറ്റിൽ നിന്നാണ് 35 ഓളം ഇ സിഗരറ്റുകൾ കണ്ടെത്തിയത്.

സ്ഥാപന ഉടമ സൈജാർ അൻസാരിക്കെതിരെ കേസെടുത്തു.വർക്കല എക്സൈസ് സർക്കിൾ ഇൻസ്പെക്ടർ ബി.വിഷ്ണു,അസിസ്റ്റന്റ് എക്സൈസ് ഇൻസ്പെക്ടർ ബിനു,പ്രിവന്റീവ് ഓഫീസർ മഞ്ജുനാഥ്.എസ്.ആർ,സിവിൽ എക്സൈസ് ഓഫീസർ പ്രവീൺ എന്നിവരടങ്ങുന്ന സംഘമാണ് പരിശോധന നടത്തിയത്.വരും ദിവസങ്ങളിലും പരിശോധന തുടരുമെന്ന് എക്സൈസ് അധികൃതർ അറിയിച്ചു