അതിജീവനത്തിന്റെ വാകമരം സ്‌കൂൾ വളപ്പിൽ നട്ട് വിദ്യാർത്ഥികൾ

കരുനാഗപ്പളി: അതിജീവനത്തിന്റെ വാകമരം സ്‌കൂൾ വളപ്പിൽ നട്ട് പരിസ്ഥിതി ദിനം ആഘോഷിച്ച് ജോൺ എഫ് കെന്നഡി സ്‌കൂളിലെ കുട്ടികൾ. ഹൈവേ വികസനവുമായി ബന്ധപ്പെട്ട് ആയിരത്തി അഞ്ഞൂറോളം മരങ്ങളാണ് കരുനാഗപ്പള്ളിക്ക് നഷ്ടമായത് . തിരക്കിൽ അതിജീവിച്ച് വന്ന വാകമരം പരിസ്ഥിതി ദിനത്തിൽ സ്‌കൂൾ വളപ്പിലേക്ക് മാറ്റി നട്ട് മാതൃകയാവുകയാണ് ജോൺ എഫ് കെന്നഡി മെമ്മോറിയൽ വൊക്കേഷണൽ ഹയർ സെക്കൻഡറി സ്‌കൂളിലെ കുട്ടികൾ. സ്‌കൂളിലെ പരിസ്ഥിതി ക്ലബ്ബ്,സ്‌കൗട്ട് ആൻഡ് ഗൈഡ്, എൻ.സി.സി, എസ്.പി.സി , ജെ.ആർ.സി യൂണിറ്റിലെ കുട്ടികളും അദ്ധ്യാപകരും ചേർന്നാണ് മരം സ്‌കൂൾ വളപ്പിലേക്ക് മാറ്റി നട്ടത്. മാനേജർ മായ ശ്രീകുമാർ ഹെഡ് മിസ്ട്രസ് മീര സിറിൾ പരിസ്‌ഥിതി കോ- ഓർഡിനേറ്റർ സുധീർ ഗുരുകുലം, സിനോ പി.ബാബു, അൻസർ ചിറ്റുമൂല, ശ്യാം കുമാർ, ഗോകുൽ ജയചന്ദ്രൻ , ശ്രീരാഗ് പതാരം, ഹാഫിസ് വെട്ടത്തേരിൽ, ഷിഹാസ് തേവലക്കര , ആർ.അക്ഷയ് , കുര്യൻ എ.വൈദ്യൻ എന്നിവർ നേതൃത്വം നൽകി.