മഴക്കാലത്തെ ഭക്ഷണത്തിൽ വേണം അതീവശ്രദ്ധ; ഒഴിവാക്കേണ്ടത് ഇവ

കേരളം ശക്തമായൊരു മഴക്കാലത്തേയ്ക്ക് കടന്നിരിക്കുകയാണ്. പലവിധ അസുഖങ്ങൾ പൊട്ടിപ്പുറപ്പെടുന്ന സമയം കൂടിയാണിത്. അതിനാൽതന്നെ ഭക്ഷണം, ആരോഗ്യം എന്നിവയിൽ അതീവ ശ്രദ്ധ ചെലുത്തേണ്ടതുണ്ട്. മഴക്കാലത്ത് ഉൾപ്പെടുത്തേണ്ട ഭക്ഷണങ്ങളും ഒഴിവാക്കേണ്ട ഭക്ഷണങ്ങളും ഏതൊക്കെയാണെന്ന് നോക്കാം.

• വേവിക്കാത്ത ഭക്ഷണങ്ങൾ ഒഴിവാക്കുക.
• തിളപ്പിച്ചാറ്റിയ വെള്ളം മാത്രം ഉപയോഗിക്കുക.
• മഴക്കാലത്ത് കഞ്ഞി കുടിക്കുന്നതാണ് ഏറ്റവും അഭികാമ്യം.
• പഴയ നെല്ലുകുത്തിയ അരി കൊണ്ടുണ്ടാക്കിയ കഞ്ഞിയോ ചോറോ നെയ്യിൽ വറുത്ത പരിപ്പുകറിയുമായി സേവിക്കുന്നതാണ് മഴക്കാലത്ത് ഉത്തമമെന്ന് ആയുർവേദത്തിൽ പറയുന്നു.
• മാംസ സൂപ്പും മാംസംകൊണ്ടുള്ള കറികളും നല്ലതാണ്.
• ഭക്ഷണം ചെറുചൂടോടെ വേണം കഴിക്കാൻ.
• മഴക്കാലത്ത് ലഘുഭക്ഷണമാണ് മികച്ചത്.
• തേൻ ചേർത്ത് കഴിക്കാവുന്ന ഭക്ഷണങ്ങളും മഴക്കാലത്ത് നല്ലതാണ്.
• ചെന്നെല്ല്, നവരനെല്ല്, ഗോതമ്പ്, യവം, ചെറുപയർ, പടോലം, നെല്ലിക്ക, മുന്തിരിങ്ങ എന്നിവയും മഴക്കാലത്ത് മികച്ചവയാണ്.
• മാംസ സൂപ്പിൽ ചുക്കുപൊടി ചേർത്ത് കഴിക്കാം.