പാക് ഭീകരൻ കുഴഞ്ഞുവീണു മരിച്ചു

ഇസ്ലാമാബാദ്: പാകിസ്ഥാനി ഭീകരൻ മുഹമ്മദ് സർവാർ കുഴഞ്ഞുവീണു മരിച്ചു. ലഷ്‌കറെ ത്വയ്ബ അംഗമായ ഇയാളെ യു.എസ് ആഗോള ഭീകരരുടെ പട്ടികയിൽപെടുത്തിയിരുന്നു. ഞായറാഴ്ച ലാഹോറിലെ വീട്ടിൽ നിന്ന് പ്രാർത്ഥനയ്ക്കായി പള്ളിയിലേക്ക് പോകുംവഴിയാണ് ഇയാളുടെ മരണം സംഭവിച്ചത്. അതേ സമയം,​ ലാഹോറിലെ ലഷ്‌കർ ആസ്ഥാനത്തെ പടിക്കെട്ടിൽ നിന്ന് വീണ് തലയ്ക്ക് ഗുരുതര പരിക്കേറ്റാണ് ഇയാൾ മരിച്ചതെന്നും പ്രചരിക്കുന്നുണ്ട്. 2008ലെ മുംബയ് ഭീകരാക്രമണത്തിന്റെ ആസൂത്രകരിൽ ഒരാളായ ഭീകരൻ ഹാഫിസ് സയീദിന്റെ അടുത്ത അനുയായി ആണ് ഇയാൾ.