
കൊച്ചി: ഭാവിതലമുറയിൽ സുരക്ഷ, ദുരന്തസന്നദ്ധത, അതിജീവനം എന്നിവയുടെ സംസ്കാരം വളർത്തിയെടുക്കുന്നതിൽ സ്കൂളുകൾക്ക് നിർണായക പങ്ക് ഉറപ്പാക്കുന്നതിനായി റിലയൻസ് ഫൗണ്ടേഷന്റെ നേതൃത്വത്തിൽ തയ്യാറാക്കിയ 10 സ്കൂളുകളുടെ സ്കൂൾ ദുരന്തനിവാരണ പദ്ധതികൾ എറണാകുളം ജില്ലാ കളക്ടറും ജില്ലാ ദുരന്തനിവാരണ അതോറിട്ടി ചെയർപേഴ്സണുമായ ജി. പ്രിയങ്ക പ്രകാശനം ചെയ്തു.
റിലയൻസ് ഫൗണ്ടേഷൻ ദുരന്തനിവാരണ പരിപാടിയിലൂടെ രാജ്യത്തെ 20 ജില്ലകളിലായി 180ലധികം സ്കൂളുകളിൽ സ്കൂൾ സുരക്ഷാ പദ്ധതികൾ നടപ്പാക്കി വരികയാണ്.
എറണാകുളം ജില്ലാ ദുരന്തനിവാരണ അതോറിട്ടിയുടെ സഹകരണത്തോടെ റിലയൻസ് ഫൗണ്ടേഷൻ നടപ്പാക്കുന്ന സ്കൂൾ സുരക്ഷാ സംരംഭത്തെ അഭിനന്ദിക്കുന്നുവെന്ന് കളക്ടർ ജി. പ്രിയങ്ക പറഞ്ഞു.
കാലാവസ്ഥാ വ്യതിയാനവുമായി ബന്ധപ്പെട്ട അപകടസാദ്ധ്യതകൾ വർദ്ധിച്ചുവരുന്ന സാഹചര്യത്തിൽ സുരക്ഷിതമായി ജീവിക്കാനും ആത്മവിശ്വാസത്തോടെ സാഹചര്യങ്ങളോട് പൊരുത്തപ്പെടാനുമുള്ള കഴിവ് അടുത്ത തലമുറയ്ക്ക് നൽകുന്ന പ്രതിരോധശേഷിയുള്ള ഭാവിയിലേക്കുള്ള നിക്ഷേപങ്ങളാണ് സ്കൂൾ ദുരന്തനിവാരണ പദ്ധതികളെന്ന് റിലയൻസ് ഫൗണ്ടേഷൻ ദുരന്തനിവാരണ പരിപാടി മേധാവി അനിമേഷ് പ്രകാശ് പറഞ്ഞു.
|
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |