സ്വയം സന്നദ്ധ പുനരധിവാസ പദ്ധതി, കാത്തി​രി​പ്പി​ലാണ് 50 കുടുംബങ്ങൾ

​കോന്നി : വന്യമൃഗശല്യത്തെ തുടർന്ന് കി​ടപ്പാടം ഉപേക്ഷി​ച്ച് സ്വയംസ​ന്ന​ദ്ധ പു​ന​ര​ധി​വാ​സ പ​ദ്ധ​തിയിൽ ഇടംതേടി​യ അ​രു​വാ​പ്പു​ലം പ​ഞ്ചാ​യ​ത്തി​ലെ കൊക്കാത്തോട് നി​വാസി​കളായ 50 കുടുംബങ്ങൾ നഷ്ടപരി​ഹാരത്തി​നായി​ കാത്തി​രി​പ്പ് തുടരുന്നു.

വ​നാ​തി​ർ​ത്തി​യി​ൽ താ​മ​സി​ക്കു​ന്ന​വ​ർ, വ​ന്യ​ജീ​വി​ക​ളു​ടെ ശ​ല്യ​ത്താ​ൽ ദു​രി​തം അ​നു​ഭ​വി​ക്കു​ന്ന​വ​ർ എ​ന്നി​വ​ർ ത​ങ്ങ​ളു​ടെ പ​ട്ട​യ​ഭൂ​മി വ​നം​വ​കു​പ്പി​ന് കൈ​മാ​റു​ന്ന​താ​ണ് പ​ദ്ധ​തി. വ​നംവ​കു​പ്പ് ഏ​റ്റെ​ടു​ക്കു​ന്ന ഭൂ​മി​ക്ക്‌ ഒ​രു യൂ​ണി​റ്റി​ന് 15 ല​ക്ഷം രൂ​പ​ ന​ഷ്ട​പ​രി​ഹാ​രമായി​ ന​ൽ​കും.
റീ​ബി​ൽ​ഡ് കേ​ര​ള​യി​ൽ ഉ​ൾ​പ്പെ​ടു​ത്തി നടപ്പാക്കാൻ ശ്രമിച്ച പദ്ധതിയിൽ വ​ന​മേ​ഖ​ല​യി​ലെ സ്വ​കാ​ര്യ​വാ​സ മേ​ഖ​ല​ക​ളി​ൽ ക​ഴി​യു​ന്ന കു​ടും​ബ​ങ്ങ​ളുടെ പുനരധി​വാസം ലക്ഷ്യമി​ടുകയായി​രുന്നു. കോന്നി വനംഡിവിഷനിലെ നടുവത്തുമൂഴി റേഞ്ചിലെ വനമേഖലയോട് ചേർന്ന കൊക്കാത്തോട്ടിൽ വന്യമൃഗശല്യം രൂക്ഷമായതി​നാൽ 306 അപേക്ഷകളാണ് പുനരധി​വാസ പാക്കേജി​ൽ ലഭി​ച്ചത്. ഇതിൽ 24 കുടുംബങ്ങളുടെ ഭൂമി ഏറ്റെടുത്ത് പണം കൈമാറിയിരുന്നു. എഗ്രിമെന്റ് വച്ച 50 കുടുംബങ്ങൾക്ക് പണം ലഭി​ക്കാനുണ്ട്.

കൊ​ക്കാ​ത്തോ​ട്ടി​ൽ ഇ​ന്നു​ള്ള​ത് 1948 മു​ത​ൽ കു​ടി​യേ​റി​യ​വ​രാ​ണ്. നാ​ല് ത​ല​മു​റ​വ​രെ ഇ​വി​ടെ ക​ഴി​ഞ്ഞു. കൃ​ഷി​യാ​യി​രു​ന്നു പ്ര​ധാ​ന ഉ​പ​ജീ​വ​ന​മാ​ർ​ഗം. റീ​ബി​ൽ​ഡ് കേ​ര​ള പ​ദ്ധ​തി​യി​ലൂ​ടെ സ​ഹാ​യം പ്ര​ഖ്യാ​പി​ച്ച​ത് 2019ലാ​ണ്.

നഷ്ടപരി​ഹാരം 15 ലക്ഷം മുതൽ

ര​ണ്ട് ഹെ​ക്ട​ർ​വ​രെ ഭൂ​മി​യു​ള്ള ഓ​രോകു​ടും​ബ​ത്തി​നും 15 ല​ക്ഷം രൂ​പ വീ​തം ന​ൽ​കു​ന്ന​തി​നു പു​റ​മെ, കു​ടും​ബ​ത്തി​ലെ പ്രാ​യ​പൂ​ർ​ത്തി​യാ​യ ഓ​രോ അം​ഗ​ത്തി​നും 15 ല​ക്ഷം രൂ​പ വേ​റെ​യും ന​ൽ​കും. ര​ണ്ട് ഹെ​ക്ട​റി​നു മു​ക​ളി​ൽ ഭൂ​മി​യു​ണ്ടെ​ങ്കി​ൽ അ​ധി​ക​മു​ള്ള ഓ​രോ ഹെ​ക്ട​റി​നെ​യും ഓ​രോ പാ​ർ​പ്പി​ട യൂ​ണി​റ്റാ​യി ക​ണ​ക്കാ​ക്കി 15 ല​ക്ഷംവീ​തം അ​ധി​കം ന​ൽ​കും. ഭൂ​മി മാ​ത്ര​മേ​യു​ള്ളൂ​വെ​ങ്കി​ൽ 15 ല​ക്ഷം മാ​ത്രം ന​ൽ​കും. ഇ​ത്ത​ര​ത്തി​ൽ ഒ​രു കു​ടും​ബ​ത്തി​നു പ​ര​മാ​വ​ധി ല​ഭി​ക്കാ​വു​ന്ന തു​ക 45 ല​ക്ഷ​മാ​ണ്. കൂ​ടു​ത​ൽ ഭൂ​മി​യു​ള്ള​വ​ർ​ക്കും ഈ ​തു​ക മാ​ത്ര​മേ ല​ഭി​ക്കു​ക​യു​ള്ളൂ. താ​മ​സി​ച്ചു​കൊ​ണ്ടി​രി​ക്കു​ന്ന പ​ട്ട​യ ഭൂ​മി വ​നംവ​കു​പ്പ് ഏ​റ്റെ​ടു​ത്ത​ശേ​ഷം ആ​ദ്യഗ​ഡു അ​നു​വ​ദി​ക്കും. പ​രി​ശോ​ധ​ന പൂ​ർ​ത്തീ​ക​രി​ച്ച അ​പേ​ക്ഷ​ക​ൾ ചീ​ഫ് ഫോ​റ​സ്റ്റ് ക​ൺ​സ​ർ​വേ​റ്റ​ർ അദ്​ധ്യ​ക്ഷ​നാ​യ ക​മ്മി​റ്റി അം​ഗീ​ക​രി​ക്ക​ണം.

പദ്ധതി​യുടെ ലക്ഷ്യങ്ങൾ

1.കാട്ടുമൃഗങ്ങളുടെ ആക്രമണങ്ങളിൽ നിന്ന് വനാതിർത്തികളിൽ താമസിക്കുന്ന ജനങ്ങളുടെ ജീവനും സ്വത്തിനും സംരക്ഷണം നൽകുക.

2. വനത്തിനുള്ളിലെ മനുഷ്യസാന്നിദ്ധ്യം കുറയ്ക്കുന്നതിലൂടെ വന്യജീവികൾക്ക് തടസ്സമില്ലാത്ത സ്വാഭാവിക ആവാസവ്യവസ്ഥ ഉറപ്പാക്കുക.

3. ഉൾക്കാടുകളിൽ കഴിയുന്ന കുടുംബങ്ങൾക്ക് റോഡ്, വൈദ്യുതി, വിദ്യാഭ്യാസം, മികച്ച ആരോഗ്യപരിപാലനം തുടങ്ങിയ അടിസ്ഥാന സൗകര്യങ്ങളുള്ള പൊതുസമൂഹത്തിലേക്ക് വരാൻ അവസരമൊരുക്കുക.

പണമാണ് പ്രശ്നം

അപേക്ഷകളിൽ ഭൂരിഭാഗവും പരിശോധന പൂർത്തിയാക്കി വനംവകുപ്പിന്റെ ഉന്നത സമിതികളുടെ അംഗീകാരത്തിനായി സമർപ്പിച്ചിരിക്കുകയാണ്. തുക അനുവദിക്കുന്ന മുറയ്ക്ക് മാത്രമേ നഷ്ടപരി​ഹാരം നൽകാനാകൂ.

റീബിൽഡ് കേരള (Rebuild Kerala) പദ്ധതിയിൽ ഉൾപ്പെടുത്തി, കിഫ്ബി വഴിയാണ് ഇതിനാവശ്യമായ തുക ലഭ്യമാക്കുന്നത്. കിഫ്ബിയുടെ പ്രത്യേക സാമ്പത്തിക പരിശോധനകളും ഫണ്ട് റിലീസ് ചെയ്യുന്നതിനുള്ള നടപടിക്രമങ്ങളും പൂർത്തിയാകാൻ സമയമെടുക്കുന്നത് പുനരധി​വാസ പാക്കേജി​ന് തടസമാകുകയാണ്.