കടലാവിള കാർമൽ സ്കൂളിൽ ആർട്സ് ഫെസ്റ്റ്

ഓടനാവട്ടം: കടലാവിള കാർമൽ റെസിഡൻഷ്യൽ സീനിയർ സെക്കൻഡറി സ്കൂളിലെ ആർട്സ് ഫെസ്റ്റ് 'റിധം 26' സംഘടിപ്പിച്ചു. കൊട്ടാരക്കര നഗരസഭ ചെയർപേഴ്സൺ അനിത ഗോപകുമാർ ഫെസ്റ്റ് ഉദ്ഘാടനം ചെയ്തു.

സ്കൂൾ മാനേജർ എസ്. ചന്ദ്രകുമാർ അദ്ധ്യക്ഷത വഹിച്ച ചടങ്ങിൽ വൈസ് പ്രിൻസിപ്പൽ ഇൻ ചാർജ് ശ്രീജ സ്വാഗതം ആശംസിച്ചു. പ്രിൻസിപ്പൽ ആശ എസ്. നായർ മുഖ്യപ്രഭാഷണം നടത്തി.

കൗൺസിലർ തോമസ് പി. മാത്യു, സ്കൂൾ ബോർഡ്‌ അംഗം അനിൽകുമാർ, പി.ടി.എ വൈസ് പ്രസിഡന്റ്‌ ഹെലീന ജോൺ എന്നിവർ സംസാരിച്ചു. അക്കാഡമിക് കോ ഓർഡിനേറ്റർ അജികുമാർ നന്ദി പറഞ്ഞു.