തുടർച്ചയായ കുതിപ്പിന് വിരാമം, സ്വർണവില ഇന്ന് താഴേയ്ക്ക്; പുതിയ നിരക്കറിയാം

തിരുവനന്തപുരം: സംസ്ഥാനത്ത് ഇന്ന് സ്വർണവിലയിൽ നേരിയ ഇടിവ്. ഗ്രാമിന് 20 രൂപയാണ് കുറഞ്ഞത്. ഇതോടെ ഒരു ഗ്രാം സ്വർണത്തിന്റെ വില 15,010 രൂപയായി. ഒരു പവന് 160 രൂപ കുറഞ്ഞ് 1,20,080 രൂപയിലെത്തി. ദിവസങ്ങളായി വർദ്ധനവ് രേഖപ്പെടുത്തിയശേഷമാണ് ഇന്ന് കുറഞ്ഞത്.

ഇന്നലെ ഗ്രാമിന്റെ വില 80 രൂപ കൂടി 15,030 രൂപയായിരുന്നു. ഒരു പവന് ഇന്നലെ 640 രൂപ വർദ്ധിച്ച് 1,20,240 രൂപയിലെത്തിയിരുന്നു. കഴിഞ്ഞ വർഷം ആഗസ്‌റ്റ് 24ന് പവന് 74,520 രൂപയായിരുന്നു വില. ഒരു വർഷത്തിനിടെ 62 ശതമാനം വർദ്ധനയാണ് വിലയിലുണ്ടായത്. ജൂണിലെ താഴ്ന്ന നിരക്കിൽനിന്ന് 17 ശതമാനം ഉയർച്ചയാണ് ഇന്നലെ രേഖപ്പെടുത്തിയത്.

വെള്ളി വില

സംസ്ഥാനത്ത് ഇന്ന് വെള്ളിവിലയിലും കുറവ് രേഖപ്പെടുത്തി. പത്ത് രൂപ കുറഞ്ഞ് ഒരു ഗ്രാമിന് 265 രൂപയായി. 10 ഗ്രാമിന് 2,650 രൂപയും 100 ഗ്രാമിന് 26,500 രൂപയുമാണ് വിപണിവില. ഒരു കിലോഗ്രാം വെള്ളി വാങ്ങാൻ ഇന്ന് 2,65,000 രൂപ നൽകണം.