സപ്ലൈകോയ്ക്ക് 433.81കോടി രൂപയുടെ ഓണക്കച്ചവടം

കൊച്ചി: ഓണക്കാലത്തെ സപ്ലൈകോയുടെ വിൽപ്പന മികച്ച വളർച്ച നേടി. കഴിഞ്ഞ 35 ദിവസത്തിനിടെ 433.81 കോടി രൂപയുടെ വിറ്റുവരവാണ് ലഭിച്ചത്. ജൂലായ് 22 മുതൽ ഉത്രാട ദിനം വരെയുള്ള കണക്കാണിത് . കഴിഞ്ഞവർഷം ഇത് 385 കോടി രൂപയായിരുന്നു. ഏറ്റവും കൂടുതൽ വിൽപ്പന ഉത്രാട ദിനത്തിലാണ്, 27.85 കോടി രൂപ. 155.39 കോടി രൂപ സബ്സിഡി ഇനത്തിലാണ്. 53.86 ലക്ഷം പേരാണ് ഇക്കാലയളവിൽ സാധനങ്ങൾ വാങ്ങിയത്.ജില്ലാ ഫെയറുകളിൽ നിന്നുള്ള വിറ്റുവരവ് 5.33 കോടി രൂപയാണ്. തിരുവനന്തപുരം മെഗാ ട്രേഡ് ഫെയറിൽ നിന്നുള്ള വിറ്റു വരവ് മാത്രം 94 ലക്ഷം രൂപയുണ്ട്.