മണ്ണിടിച്ചിൽ ഭീതി ഇപ്പോഴുമുണ്ട്

തൃശൂർ: ജില്ലയിൽ വരും ദിവസങ്ങളിൽ കാലവർഷം കനത്തേക്കുമെന്ന അറിയിപ്പുകൾ വരുമ്പോഴും കാലങ്ങളായി ജില്ലയിലെ മണ്ണിടിച്ചിൽ സാദ്ധ്യത മേഖല എന്നു വിലയിരുത്തപ്പെട്ട സ്ഥലങ്ങളിൽ ഇപ്പോഴും ഭീതി തുടരുകയാണ്. റവന്യൂ വകുപ്പിന്റെയും ജിയോളജിക്കൽ സർവേയുടെയും കണ്ടെത്തലുകൾ പ്രകാരം ജില്ലയിൽ നാൽപതോളം സ്ഥലങ്ങളാണ് മണ്ണിടിച്ചിൽ ഭീതിയിലുള്ളത്.

 താലപ്പിള്ളി താലൂക്ക്:
ചെറുതുരുത്തി, വേളൂർ, വടക്കാഞ്ചേരി, അതിരുത്തി, പൂമല, ആറ്റൂർ മലയോര മേഖലകൾ

 മച്ചാട് മലനിരകൾ:

മുൻവർഷങ്ങളിൽ ചെറിയ തോതിൽ മണ്ണിടിച്ചിൽ റിപ്പോർട്ട് ചെയ്ത മച്ചാട് റിസർവ് വനമേഖലയോട് ചേർന്നുള്ള പ്രദേശങ്ങൾ.

 ചാലക്കുടി താലൂക്ക്
അതിരപ്പിള്ളി, വാഴച്ചാൽ, മലക്കപ്പാറ: അതിരപ്പിള്ളി പഞ്ചായത്തിലെ മലയോര ഗ്രാമങ്ങൾ, റബർ തോട്ടം മേഖലകൾ, ഷോളയാർ പാത.

 കോടശ്ശേരി, പരിയാരം വില്ലേജുകൾ:

നദീതീരങ്ങളോട് ചേർന്നുള്ള ഉയർന്ന പ്രദേശങ്ങളും കുന്നിൻചെരുവുകളും.

മുകുന്ദപുരം, കൊടുങ്ങല്ലൂർ, തൃശൂർ, ചാവക്കാട് (തീരദേശ,നദീതീര ഭീഷണി): മണ്ണിടിച്ചിലിനു പുറമെ പട്ടിക്കാട്, പുത്തൂർ, കല്ലൂർ മേഖലകളിൽ കുന്നിടിച്ചിൽ ഭീഷണിയും റോഡ് ഗതാഗത തടസ സാദ്ധ്യതയും നിലനിൽക്കുന്നു