കുടുംബ വഴക്ക് ; പാലക്കാട്ട് വീട്ടമ്മയെ വെട്ടിക്കൊന്ന ശേഷം ഭർത്താവ് ജീവനൊടുക്കി

പാലക്കാട് : മണ്ണാർക്കാട് തച്ചനാട്ടുകരയിൽ നാടിനെ നടുക്കി കൊലപാതകം. തച്ചനാട്ടുകര കുണ്ടൂർക്കുന്ന് റോഡിൽ കൊമ്പത്തുംപള്ളത്ത് ഭാര്യയെ വെട്ടിക്കൊന്ന് ഭർത്താവ് ജീവനൊടുക്കി,​. സുകുമാരനും (50)​,​ ഭാക്യ ദീപയും (42)​ ആണ് മരിച്ചത്. ഭാര്യയെ വെട്ടിയ ശേഷം സുകുമാരൻ ജീവനൊടുക്കുകയായിരുന്നു എന്നാണ് പ്രാഥമിക നിഗമനം. കുടുംബ വഴക്കിനെ തുടർന്ന് രാത്രി എട്ടുമണിയോടെയാണ് സംഭവം. ഗുരുതരമായി പരിക്കേറ്റ ദീപയെ വട്ടമ്പലത്തെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. സംഭവം നടക്കുമ്പോൾ 19കാരിയായ മകൾ വീട്ടിലുണ്ടായിരുന്നു.