സയൻസ് സിറ്റിയിലേക്ക് പഠനയാത്ര നടത്തി

മേമ്മുറി: മേമുറി പാലക്കൽ വക്കച്ചൻ മെമ്മോറിയൽ ഗ്രാമീണ ഗ്രന്ഥശാലയിലെ വായനക്കളരിയുടെ ഭാഗമായി ബാലവേദി കുട്ടികൾക്കായി കോഴ സയൻസ് സിറ്റിയിലേക്ക് പഠനയാത്ര സംഘടിപ്പിച്ചു. വായനശാല ഭാരവാഹികൾ, രക്ഷിതാക്കൾ എന്നിവർ ഒപ്പമുണ്ടായിരുന്നു. വായനശാല പ്രസിഡന്റ് സിറിൽ ചാക്കോ, സെക്രട്ടറി അനന്ദ് ജോൺ, ഭാരവാഹികളായ എൻ.കെ രാജൻ, സരിജാ രാജ്, ടി.വി ദിലീപ് കുമാർ, ദിവ്യ ജിനീഷ്, സിബി ചാക്കോ രക്ഷിതാക്കളായ പി.ആർ രതീഷ്, ഹണി വിനോജ്, ശ്രീജ പ്രദീപ് എന്നിവർ നേതൃത്വം നൽകി.