പൊതു സമ്മേളനവും അനുമോദനവും

ഓച്ചിറ : പായിക്കുഴി സൗഹൃദം സാംസ്കാരിക വേദിയുടെ വാർഷിക ആഘോഷവും ഇരുപത്തിയെട്ടാം ഓണ കാളകെട്ട് മഹോത്സവത്തിന്റെ ഭാഗമായുള്ള പൊതുസമ്മേളനവും അനുമോദനവും ബ്ലോക്ക് പഞ്ചായത്തംഗം കബീർ എൻസൈൻ ഉദ്ഘാടനം ചെയ്തു. വേദി പ്രസിഡന്റ് സിറാജ് എസ് ക്രോണിക്കിൾ അദ്ധ്യക്ഷത വഹിച്ചു.

ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ ലീന പ്രവീൺ,

റെസിഡൻസ് അസോസിയേഷൻ രക്ഷാധികാരി ഡോ. മിനിമോൾ, അഖിൽ ബാബു, ആദിൽമൂസ എന്നിവർ സംസാരിച്ചു. സിനിമ താരങ്ങളായ തീർത്ഥ ഹരിദേവിനെയും (കരിമ്പടം ഫെയിം) അഭിരാം (ബത്‌ലഹേം കുടുംബ യൂണിറ്റ് ഫെയിം), എസ്.എസ്.എൽ.സി, പ്ലസ് ടു പരീക്ഷകളിൽ മികവ് നേടിയ വിദ്യാർത്ഥികളെയും അനുമോദിച്ചു. കടത്തനാട്ട് കൊമ്പന്റെ ശിരസ് ഘോഷയാത്രയിൽ പങ്കെടുത്തവരിൽ നിന്നും നറുക്കെടുപ്പിലൂടെ തിരിഞ്ഞെടുക്കപ്പെട്ടവർക്കുള്ള സമ്മാന വിതരണവും ചടങ്ങിൽ നടന്നു.