സിഗ്നൽ  നവീകരണം; ഇന്ന് ട്രെയിനുകൾ വൈകിയോടുമെന്ന് അറിയിപ്പ്

കൊച്ചി: കളമശേരിയിൽ സിഗ്നൽ നവീകരണം നടക്കുന്നതിനാൽ ഇന്ന് ട്രെയിനുകൾ വൈകിയോടുമെന്ന് അറിയിപ്പ്. പരശുറാം എക്‌സ്‌പ്രസ്, നേത്രാവതി ഉൾപ്പെടെ എട്ട് ട്രെയിനുകളാണ് വൈകിയോടുന്നത്. മംഗളൂരു-കന്യാകുമാരി പരശുറാം എക്‌സ്‌പ്രസ് ഒരു മണിക്കൂർ 15 മിനിട്ടും തിരുവനന്തപുരം-നേത്രാവതി എക്‌സ്‌പ്രസ് ഒരു മണിക്കൂർ 20 മിനിട്ടുമാണ് വൈകുക.

ഷാലിമാർ- തിരുവനന്തപുരം എക്‌സ്‌പ്രസ് 50 മിനിട്ട് വൈകും. എറണാകുളം-ബംഗളൂരു വന്ദേഭാരത് തൃശൂരിൽ നിന്നാണ് പുറപ്പെടുന്നത്. ബംഗളൂരു-എറണാകുളം വന്ദേഭാരത് തൃശൂരിൽ യാത്ര അവസാനിപ്പിക്കുമെന്നും റെയിൽവേ അറിയിച്ചു.