ഭവനങ്ങളിൽ ഡ്രൈ ഡേ: ജില്ലാതല ഉദ്ഘാടനം

തൃശൂർ: കോർപറേഷൻ വൃത്തി ക്യാമ്പയിന്റെ ഭാഗമായി വീടുകളിൽ ഞായറാഴ്ചകളിൽ നടത്തുന്ന 'ഡ്രൈ ഡേ' ഉറവിട നശീകരണ പ്രവർത്തനങ്ങളുടെ ജില്ലാതല ഉദ്ഘാടനം രാജൻ ജെ. പല്ലൻ നിർവഹിച്ചു. ബോധവത്കരണ ലഘുലേഖയുടെ പ്രകാശനവും നിർവഹിച്ചു. ബെന്നറ്റ് റോഡിലുള്ള ആലപ്പാട്ട് ജോസിന്റെ വീട്ടിലായിരുന്നു ചടങ്ങ്. ഇതിന്റെ ഭാഗമായി കിണറുകൾ ക്ലോറിനേഷൻ നടത്തുകയും കൊതുകുനിവാരണത്തിനായി കൂത്താടികളെ തിന്നുന്ന ഗപ്പി മത്സ്യങ്ങളുടെ വിതരണവും നടത്തി. കോർപറേഷൻ കൗൺസിലർ അഡ്വ. ജോയ് ബാസ്റ്റിൻ ചാക്കോള, ആരോഗ്യകേരളം ജില്ലാ പ്രോഗ്രാം ഓഫീസർ ഡോ. ജിൽഷോ ജോർജ്, ജെ.എ.എം.ഒ. ഡോ. നിർമ്മൽ എന്നിവർ ചടങ്ങിൽ സംസാരിച്ചു.