'മുതിർന്ന പൗരന്മാർക്ക് കുടിവെള്ളം എത്തിക്കണം'

തൃശൂർ: മമ്മിയൂരിലെ ഫ്‌ളാറ്റിൽ വയോധിക ദമ്പതികൾക്ക് കുടിവെള്ളം നിഷേധിക്കുന്നത് മനുഷ്യാവകാശ ലംഘനമാണെന്ന് മനുഷ്യാവകാശ കമ്മിഷൻ അംഗം വി. ഗീത. മുതിർന്ന പൗരന്മാർക്ക് കുടിവെള്ളം എത്തിക്കാൻ ഫ്‌ളാറ്റ് ഓണേഴ്‌സ് അസോസിയേഷൻ മുൻകൈയെടുക്കണം. ഗുരുവായൂർ എസ്.എച്ച്.ഒയുടെ സാന്നിദ്ധ്യത്തിൽ പരാതിക്കാരെയും എതിർകക്ഷികളെയും വിളിച്ച് പ്രശ്‌നം പരിഹരിക്കാനും നിർദ്ദേശിച്ചു. പ്രതിമാസ വിഹിതം നൽകുന്നില്ലെന്നാരോപിച്ചാണ് കുടിവെള്ളം തടഞ്ഞത്. എന്നാൽ ഫ്‌ളാറ്റ് വാങ്ങിയപ്പോൾ 85,000 രൂപ കോർപസ് ഫണ്ട് അടച്ചിട്ടുണ്ടെന്ന് പരാതിക്കാർ അറിയിച്ചു. മമ്മിയൂരിലെ വയോധിക ദമ്പതികൾ നൽകിയ പരാതിയിലാണ് നടപടി.