തൈ വിതരണം

ചിറ്റൂർ: പൊൽപുള്ളി കൃഷിഭവന്റെ നേതൃത്വത്തിൽ കർഷകർക്ക് ശീതകാല പച്ചക്കറി കൃഷി പ്രോത്സാഹിപ്പിക്കുന്നതിന്റെ ഭാഗമായി കാബേജ്, കോളിഫ്ളവർ തുടങ്ങിയ പച്ചക്കറികളുടെ തൈകൾ വിതരണം ചെയ്തു. പഞ്ചായത്ത് പ്രസിഡന്റ് കെ.സ്വാമിനാഥൻ ഉദ്ഘാടനം നിർവഹിച്ചു. കൃഷിയിലൂടെ കർഷകരുടെ വരുമാനം വർദ്ധിപ്പിക്കുന്നതിനും പോഷകസമൃദ്ധമായ പച്ചക്കറികളുടെ ഉൽപ്പാദനം പ്രോത്സാഹിപ്പിക്കുന്നതിനും പദ്ധതി സഹായകരമാകുമെന്ന് അദ്ദേഹം അഭിപ്രായപ്പെട്ടു. പ്രൊഫ. കെ.കാർത്തികേയൻ, കൃഷി ഓഫീസർ ലിബി ആന്റണി, കൃഷി അസിസ്റ്റന്റുമാരായ ടിൻസി ജോൺ, പ്രീത, ബി.ടി.എം അനുഭവ് എന്നിവർ പങ്കെടുത്തു.