ലൈഫ് പദ്ധതി

ശ്രീകൃഷ്ണപുരം: ലൈഫ്, പി.എം.എ.വൈ പദ്ധതി ഗുണഭോക്താക്കളെ പങ്കെടുപ്പിച്ച് പഞ്ചായത്തിന്റെ നേതൃത്വത്തിൽ മേഖലാ യോഗങ്ങൾക്ക് തുടക്കമായി. ആറു കേന്ദ്രങ്ങളിലായി നടക്കുന്ന യോഗങ്ങളിൽ ഭവനപദ്ധതി ഗുണഭോക്താക്കളായ 255 പേരും ജനപ്രതിനിധികളും വി.ഇ.ഒമാരും പങ്കെടുക്കും. കുളക്കാട്ടുകുറുശ്ശി, വലമ്പിലിമംഗലം, ശ്രീകൃഷ്ണപുരം മേഖലാ യോഗങ്ങൾ പൂർത്തിയാക്കി.15 നകം മറ്റു മേഖലയോഗങ്ങൾ പൂർത്തിയാക്കും. ഗ്രാമ പഞ്ചായത്ത് ഹഡ്‌കോ മുഖേന രണ്ടു കോടി രൂപ വായ്പയെടുത്താണ് ലൈഫ് പദ്ധതിയിൽ അർഹരായ മുഴുവൻ ഗുണഭോക്താക്കൾക്കും ഭവന പദ്ധതി സഹായം നല്കുന്നത്.