സി.ബി.എച്ച്.എസ്.എസിൽ സൗരോർജ്ജ നിലയം പ്രവർത്തനമാരംഭിച്ചു

വള്ളിക്കുന്ന്: സി.ബി. എച്ച്.എസ്.എസിൽ സ്ഥാപിച്ച 15 കലോവാട്ട് ശേഷിയുള്ള സൗരോർജ്ജ നിലയത്തിന്റെ ഉദ്ഘാടനം ടി.വി. ഇബ്രാഹിം എം.എൽ.എ നിർവഹിച്ചു. പി.ടി.എ. പ്രസിഡന്റ് പ്രദീപ് പറമ്പിൽ അദ്ധ്യക്ഷത വഹിച്ചു. പ്രിൻസിപ്പൽ വി. സന്ധ്യ, ഹെഡ്‌മാസ്റ്റർ പ്രവീൺകുമാർ, വാർഡ് അംഗങ്ങളായ എം.കെ. സെറീന, എ. കനകേഷ്, അസീസ് അരിമ്പ്രത്തൊടി, മാനേജർ എ.പി. ഗീത, മദർ പി.ടി.എ. പ്രസിഡന്റ് ജമീല, നൗഷാദ് തങ്ങൾ, എം. പ്രേമൻ, സി. ഉണ്ണിമൊയ്തു, യൂസഫ്, അബൂബക്കർ സംസാരിച്ചു. വിദ്യാലയത്തിലെ ആർട്സ് ക്ലബ്ബിന്റെ ആഭിമുഖ്യത്തിൽ നിർമ്മിച്ച ഹ്രസ്വചിത്രം 'തുള്ളി' റിലീസ് ചെയ്തു.