ഭക്ഷണം വിളമ്പുന്നത് 'ക്ലോസറ്റിൽ', ടോയ്‌ലറ്റ് പ്രമേയത്തിൽ ഒരു ഹോട്ടൽ; വീഡിയോ

വ്യത്യസ്തരീതിയിലുള്ള ഹോട്ടലുകൾ, ഭക്ഷണങ്ങൾ എന്നിവയാണ് ഇപ്പോൾ സോഷ്യൽ മീഡിയയിലെ പ്രധാന ചർച്ചാ വിഷയം, എവിടെ എന്ത് തരം വ്യത്യസ്ത ഭക്ഷണം കിട്ടുമെന്ന് തിരഞ്ഞ് പുറകെ പോകുന്നവരുടെ എണ്ണവും കൂടിവരുന്നു. ഇപ്പോഴിതാ തായ്‌വാനിലെ ഒരു റെസ്റ്റോറന്റിന്റെ വീഡിയോയാണ് സോഷ്യൽ മീഡിയയിൽ തരംഗമാകുന്നത്.

ഇന്ത്യൻ ഇൻഫ്ലുവൻസറായ ആകാംക്ഷ മോംഗ ഇതുസംബന്ധിച്ച വീഡിയോ പങ്കുവച്ചത്. ടോയ്‌ലറ്റിന്റെ പ്രമേയത്തിലാണ് ഈ ഹോട്ടൽ നിർമ്മിച്ചിരിക്കുന്നത്. ക്ലോസറ്റ് മാതൃകയിലെ പാത്രത്തിലാണ് ഭക്ഷണം നൽകുന്നത്. പാനീയങ്ങൾ മൂത്രപ്പുരകളോട് സാമ്യമുള്ള പാത്രങ്ങളിലും. തായ്‌വാനിലെ 'മോഡേൺ ടോയ്ലറ്റ്' എന്നാണ് റെസ്റ്റോറന്റിന്റെ പേര്. യുവതി കഴിച്ച വിവിധ ഭക്ഷണങ്ങളുടെ ദൃശ്യങ്ങളും വീഡിയോയിൽ കാണിക്കുന്നുണ്ട്.

ടോയ്‌ലറ്റ് സീറ്റുകളാണ് കസേരകളായി ഉപയോഗിക്കുന്നത്. ഭക്ഷണത്തിന് 10ൽ അഞ്ചും. റെസ്റ്റോറന്റിന്റെ പ്രമേയത്തിന് 10ൽ 10 റേറ്റിംഗും യുവതി നൽകുന്നു. വീഡിയോ ഇതിനോടകം തന്നെ വൈറലായിട്ടുണ്ട്. ഭിന്നാഭിപ്രായങ്ങളാണ് വീഡിയോയ്ക്ക് ലഭിക്കുന്നത്. ചിലർ ഇവിടെ പോയി ഭക്ഷണം കഴിക്കണമെന്ന് പറയുമ്പോൾ ചിലർ ഒരിക്കലും അവിടെ പോകരുതെന്ന് പറയുന്നു.

View this post on Instagram

A post shared by Aakanksha Monga (@aakanksha.monga)