കെ.എസ്.ആ‌‌ർ.ടി.സിക്ക് റെക്കാഡ് വരുമാനം

പത്തനംതിട്ട : കഴിഞ്ഞ തിങ്കളാഴ്ച ജി​ല്ലയി​ൽ കെ.എസ്.ആർ.ടി.സി നേടി​യത് റെക്കാഡ് വരുമാനം. ജി​ല്ലയി​ലെ ഡി​പ്പോകളി​ൽ നി​ന്നായി​ 53.55 ലക്ഷം രൂപ. ഓണാവധി കഴിഞ്ഞ് മടങ്ങിയവരും തിരികെയെത്തിയവരേയും കണക്കിലെടുത്ത് കൂടുതൽ സർവീസുകൾ ഏർപ്പെടുത്തിയിരുന്നു. അന്തർ സംസ്ഥാന യാത്രകൾക്കടക്കം കൂടുതൽ സർവീസ് നടത്തിയതാണ് വരുമാനം വർദ്ധിക്കാൻ കാരണം. പ്രി​യദർശിനി സർവീസുകൾ കാരണം ഇത്തവണ നിരവധി സ്ത്രീകളടങ്ങിയ കുടുംബങ്ങൾ ഓ‌ർഡിനറി ബസുകളിലും യാത്ര ചെയ്തിരുന്നു. സ്വകാര്യ ബസുകളേക്കാൾ പ്രി​യദർശിനിയെ ആശ്രയിച്ച് യാത്ര ചെയ്തതിനാൽ പുരുഷ യാത്രക്കാരും വർദ്ധിച്ചു. മുൻ വർഷങ്ങളേക്കാൾ അധിക വരുമാനമാണ് ഓണത്തിന് നേടിയതെന്ന് അധികൃതർ പറയുന്നു.

ആകെ വരുമാനം : 53.55 ലക്ഷം രൂപ

ജില്ലയിലെ ഡിപ്പോകളിൽ നിന്നുള്ള വരുമാനം (ലക്ഷം)

പത്തനംതിട്ട : 15.9

റാന്നി : 3.7

കോന്നി : 2.1

പന്തളം : 3.1

അടൂർ : 12.9

മല്ലപ്പള്ളി : 6.1

തിരുവല്ല : 9.5

ശബരിമല സർവീസിൽ നിന്ന് 18 ലക്ഷം

പമ്പാ സർവീസിൽ നിന്ന് കെ.എസ്.ആർ.ടി.സിക്ക് ലഭിച്ചത് 18 ലക്ഷം. ഓണം പൂജകൾക്കായി ശബരിമല നട തുറന്നതോടെ പമ്പ സർവീസിൽ നിന്ന് മാത്രമാണ് കെ.എസ്.ആർ.ടി.സിക്ക് ഇത്രയും വരുമാനം ലഭിച്ചത്.