ശുചിത്വ യജ്ഞം

പട്ടാമ്പി: പട്ടാമ്പി നഗരസഭയിൽ 'ഏക് ദിൻ ഏക് ഘണ്ട ഏക് സാത്ത് " ശുചീകരണയജ്ഞം സംഘടിപ്പിച്ചു. വിവിധ കേന്ദ്രങ്ങളിൽ നടന്ന പരിപാടികളുടെ ഉദ്ഘാടനം ആരോഗ്യ സ്റ്റാൻഡിംഗ് കമ്മിറ്റി ചെയർപേഴ്സൺ ജിതേഷ് മോഴിക്കുന്നം നിർവഹിച്ചു. ജൂനിയർ പബ്ലിക് ഹെൽത്ത് ഇൻസ്‌പെക്ടർ ലയ കെ.സുനിൽ ബോധവൽക്കരണ ക്ലാസ് എടുത്തു. നഗരസഭാ സെക്രട്ടറി എസ്.അമൽ സംസാരിച്ചു. വൈസ് ചെയർപേഴ്സൺ അസ്ന ഹനീഫ, സ്ഥിരം സമിതി അംഗം കെ.ഷെഫീദ, നഗരസഭ കൗൺസിലർമാരായ സി.എസ്.സുരേഷ്, സി.സംഗീത, കെ.മധുസൂദനൻ തുടങ്ങിയവർ പങ്കെടുത്തു.