ചാത്തന്നൂരിൽ സി.പി.എം പ്രതിക്ഷേധം

ചാത്തന്നൂർ: ഡെൽഹി ജന്തർ മന്തറിൽ പ്രക്ഷോഭം നയിച്ച സി.പി.എം ജനറൽ സെക്രട്ടറി എം.എ. ബേബി ഉൾപ്പെടെയുള്ളവരെ അറസ്റ്റ് ചെയ്തതിൽ പ്രതിഷേധിച്ച് സി.പി.എം ചാത്തന്നൂർ ടൗൺ ലോക്കൽ കമ്മിറ്റിയുടെ നേതൃത്വത്തിൽ പ്രകടനവും യോഗവും നടത്തി​. ചാത്തന്നൂർ ഏരിയ സെക്രട്ടറി പി.വി. സത്യൻ ഉദ്ഘാടനം ചെയ്തു. ഏരിയ കമ്മിറ്റി അംഗം ഡി. സുരേഷ്‌കുമാർ, ചാത്തന്നൂർ ടൗൺ ലോക്കൽ കമ്മിറ്റി സെക്രട്ടറി ടി​. ദിജു, ലോക്കൽ കമ്മിറ്റി അംഗങ്ങളായ എം. അജയകുമാർ, ആർ. അജിതകുമാരി, എസ്. സുരേഷ്, നൗഫൽ, റോബിൻ ബേബി, ജി.എസ്. സുരേഷ്, അഭിലാഷ്, സജി, ജനപ്രതിനിധികളായ ആഷാറാണി, വിജിൻ, ഗീത, തങ്കമണി എന്നിവർ സംസാരിച്ചു.