വിദ്യാഭ്യാസ അവാർഡ് വിതരണം

കൊച്ചി: എറണാകുളം പാർലമെന്റ് മണ്ഡലത്തിൽ സി.ബി.എസ്.ഇ, ഐ.സി.എസ്.ഇ 10, 12 ക്ലാസ് പരീക്ഷകളിൽ ഉന്നത വിജയം നേടിയ വിദ്യാർത്ഥികൾക്ക് ഹൈബി ഈഡൻ എം.പി, ജെയിൻ ഡീംഡ് ടു ബി യൂണിവേഴ്‌സിറ്റിയുമായി സഹകരിച്ച് ഏർപ്പെടുത്തിയ എം.പി അവാർഡ് 2026 വിതരണം സിനിമാതാരം നിഖില വിമൽ ഉദ്ഘാടനം ചെയ്തു. ഹൈബി ഈഡൻ എം.പി അദ്ധ്യക്ഷനായി. വിവിധ വിദ്യാലയങ്ങളിൽ നിന്നായി 1545 വിദ്യാർത്ഥികൾ അവാർഡ് ഏറ്റുവാങ്ങി. ടി.ജെ. വിനോദ് എം.എൽ.എ, മേയർ അഡ്വ. വി.കെ. മിനിമോൾ, ഡെപ്യൂട്ടി മേയർ വി.ആർ. സുധീർ, ജെയിൻ ഡീംഡ് ടു ബി യൂണിവേഴ്‌സിറ്റി ഡയറക്ടർ ഡോ. ടോം ജോസഫ് തുടങ്ങിയവർ പങ്കെടുത്തു.