ബസ് യാത്രയ്ക്കിടെ യുവതിക്ക് നേരെ ലൈംഗികാതിക്രമം,​ പ്രതിയെ കൈകാര്യം ചെയ്ത് ഡ്രൈവർ

ബംഗളുരു : ബംഗളുരുവിൽ ബസ് യാത്രയ്ക്കിടെ യുവതിക്ക് നേരെ ലൈംഗികാതിക്രമം നടത്തിയ സഹയാത്രികനെ കൈകാര്യം ചെയ്ത് ഡ്രൈവർ. വ്യാഴാഴ്ച ബംഗളുരുവിലെ മാന്യത ടെക്പാർക്ക് റൂട്ടിൽ ഓടുന്ന ബസിലാണ് യുവതിക്ക് നേരെ ലൈംഗികാതിക്രമം ഉണ്ടായത്.

യാത്രയ്ക്കിടെ സഹയാത്രികൻ തന്നെ മോശമായ രീതിയിൽ സ്പർശിച്ചതായി യുവതി പരാതിപ്പെടുകയായിരുന്നു. അതിക്രമം നേരിട്ട ഉടൻ തന്നെ യുവതി പ്രതിയെ ചോദ്യം ചെയ്യുകയും ഇക്കാര്യം ബസ് ഡ്രൈവറോട് പറയുകയും ചെയ്തു. ഇതോടെ ഡ്രൈവർ ,​ പ്രതി രക്ഷപ്പെടാതിരിക്കാൻ ബസിന്റെ വാതിലുകൾ അടച്ചു. ഡ്രൈവർ പ്രതിയെ തല്ലുന്നതിന്റെ ദൃശ്യങ്ങൾ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്. സംഭവത്തിൽ ബംഗളുരു പൊലീസ് കേസെടുത്ത് അന്വേഷണം നടത്തിവരികയാണെന്ന് ബി.എം.ടി.സി അധികൃതർ അറിയിച്ചു.

🚨Shocking | In Karnataka, a man accused of harassing a young woman on a BMTC bus was caught and thrashed by passengers before being stopped by the driver. pic.twitter.com/wD4GKWbJvF

— FalconUpdatesHQ (@FalconUpdatesHQ) July 25, 2026