കൈരാതി കിരാത ക്ഷേത്രത്തിൽ ചിത്രാരംഭം

ഇരിട്ടി : മൂലോത്തുംകുന്ന് ശ്രീ കൈരാതി കിരാത ക്ഷേത്രത്തിൽ തയാറാക്കുന്ന ചുമർചിത്രം വരയ്ക്കുന്ന ചടങ്ങായ ചിത്രാരംഭത്തിന്റെ ഉദ്ഘാടനം വാരണാസി ജൂന അഖാഡ മഹാമണ്ഡലേശ്വർ സ്വാമി ആനന്ദവനം ഭാരതി നിർവഹിച്ചു. ക്ഷേത്രം രക്ഷാധികാരി വത്സൻ തില്ലങ്കേരി അദ്ധ്യക്ഷത വഹിച്ചു . കോഴിക്കോട് ചിത്ര സോപാനം ആർട്‌സ് ഫൗണ്ടേഷൻ മാനേജിംഗ് ഡയറക്ടർ ശശി എടവരാട്, മണിപ്പാൽ യൂണിവേഴ്സിറ്റി അസോസിയേറ്റ് പ്രൊഫസർ അഖിൽ രാജ്, ഡോ . ജയറാം ശിവറാം, ക്ഷേത്രം പ്രസിഡന്റ് എം.ബാലകൃഷ്ണൻ, ക്ഷേത്രം സെക്രട്ടറി എ.പത്മനാഭൻ, എൻ.വി.പ്രജിത്ത് മാസ്റ്റർ എന്നിവർ പ്രസംഗിച്ചു.രാവിലെ 10 മണിയോടെ ക്ഷേത്രത്തിലെത്തിയ സ്വാമി ആനന്ദവനം ഭാരതിയെ ക്ഷേത്രം മേൽശാന്തി രാകേഷ് നമ്പൂതിരി കീഴ്പാട്ടില്ലം പൂർണകുംഭം നൽകി സ്വീകരിച്ചു.ചുമർചിത്രം തയാറാക്കുന്നവരെ ചടങ്ങിൽ ആദരിച്ചു.